Желілік агентті тыныш режимде орнату (жауаптар файлы жоқ)

Желілік агент, MSI сипаттарының мәндерін стандартты түрде белгілей отырып, тек бір msi пакетінің көмегімен орнатылуы мүмкін. Мұндай сценарий топтық саясатты қолдана отырып, Желілік агентті орнатуға мүмкіндік береді. MSI сипаттары арқылы берілген параметрлер мен жауап файлында берілген параметрлер арасында қайшылық болмас үшін DONT_USE_ANSWER_FILE=1 сипатын белгілеу арқылы жауап файлын өшіру мүмкіндігі қарастырылған. MSI файлы Kaspersky Security Center бағдарламасының дистрибутивінде Packages\NetAgent\exec қалтасында орналасқан. Төменде msi пакетін пайдаланып Желілік агент инсталляторын іске қосудың мысалы келтірілген.

Желілік агентті интерактивті емес режимде орнату Лицензиялық келісімді қабылдауды талап етеді. EULA=1 параметрін тек Лицензиялық келісімнің шарттарын толық оқып, түсініп, қабылдаған жағдайда ғана қолданыңыз.

Мысалы: msiexec /i "Kaspersky Network Agent.msi" /qn DONT_USE_ANSWER_FILE=1 SERVERADDRESS=kscserver.mycompany.com EULA=1

Сондай-ақ, түрлендіру файлын (mst кеңейтімі бар файл) алдын ала дайындау арқылы msi пакетін орнату параметрлерін белгілеуге болады. Пәрмен келесідей болады:

Мысалы: msiexec /i "Kaspersky Network Agent.msi" /qn TRANSFORMS=test.mst;test2.mst

Бір пәрменде бірнеше түрлендіру файлын көрсетуге болады.

Сондай-ақ, қараңыз: Желілік агентті тыныш режимде орнату Желілік агентті орнату параметрлері Kaspersky Security Center қолданатын порттар Жалпы ақпарат Тыныш режимде орнату (жауаптар файлымен) setup.exe арқылы орнату параметрлерін ішінара конфигурациялау Басқару серверін орнату параметрлері Негізгі орнату сценарийі

Басына оралу